VIGAN CITY – Nauram ti Claudine’s Store iti Vigan City Public Market a kukua ni Juvelee Gascon, agtawen iti uppat a pulo a taga-Brgy Ayusan Sur
Iti pannaki-uman ti Bombo Radyo Vigan kenni Atty. Glenda Benzon, maysa a persons deprived of liberty ti akinkukua isu a tulunganda a makaala ti insurance kasta pay nga ipaayanda iti tulong pinansial.
Kabayatanna, inpakaammo ni Sangguniang Panlungsod Engineer Larry Raboy a solid concrete ti divider isu a saan a nadaras a nagkayamkam ti apoy ken nagasat agsipud ta dagus a nakaresponde dagiti kameng ti Bureau of Fire Protection.
Ibilang met a wake up call ni Vice Mayor Randy Singson ti napasamak ket kitaendanto ti kasasaad ti electric iti tiendaan kasta payen ti structural stability kas paset iti rehabilitation ti intero a Public Market ti siudad.
