VIGAN CITY – Maysa a pagtagilakoan iti dandani natakawan idi rabii idiay Brgy. Paing, Bantay.
Iti pannakipapatang ti Bombo Radyo Vigan ken ni Edna Padre nga akin-kukua ti 3Js Abra Miki iti nasao a barangay, maturog koman idi rabii idi aguni-uni ti cellphone na a konetado ti CCTV detector iti paglakoanda isu a kinitana ket adda ti maysa a lalaki a kimmalay-at ket napan ti pwestoda ngem awan ti naalana.
Segun ken ni Padre, apaman a nakababa ti bakod ti lalaki a naguli ket adda pay dua a kaduana iti ruar a tagasipot ket idi awan ti naalada isun ti panagpanawda iti ayanda.
Impagarup pay ni Padre a ti baritona ti kimmalay-at ta amangan nu naglibas a napan nagbuya gapu ti panagpiesta da idi kalman ngem idi kinitana ti ayan ti anakna ket mamaturogen dayta a gundaway.
Nupay kasta, pagyamanan ni Padre ta awan ti naala kadakuada ngem palagip kanianan ti pasamak tapno ingetan pay ti seguriadda para ti kinaalgedda.
VC – EDNA PADRE
