VIGAN CITY – Manarimaanen iti panangsapul dagiti otoridad ti suspek iti panagtakawan iti maysa a pagtagilakoan idiay Brgy. Marcos District, Santa.
Iti pannaki-uman ti Bombo RAdyo Vigan kenni PLt. Joseph Fieldad, officer-in-charge iti Santa Municipal Police Station, nagreport kadakuada ti biktima ta idi August 24, 2022 ket mapukpukaw ti kuarta-na a nasurok kumurang tallopulo a ribo a pisos a naikabil iti counter ti nasao nga establisyimento.
Segun ken ni Fieldad, in-review ti biktima ti CCTV footage ket natakuatan a ti katulunganda a lalaki nga agtawen ti duapulo ket maysa ti nangala ti kuarta.
Kinompronta ti biktima ti suspek ngem nakalibas idi dinanonda iti pagnanaedanna.
Naamuan a nabayagen ti suspek a mangmangged iti nasao a trabaho isu a katalekdan isu a saanda ninamnama a maubrana iti agtakaw.
Kabayatana, agtultuloy iti imbestigasyon dagiti pannakabagi ti linteg inaig ti nasao a banag.
