--Ads--
Maysa a pagtaengan ti nauram idiay Barangay Sidaoen, Sta. Cruz, Ilocos Sur a kuku ani Crisanto Torda Aglibut, agtawen iti tallopulo ket uppat, maysa a construction worker.
Iti pannaki-uman ti Bombo Radyo Vigan ken ni Fire Chief Inspector Edgar Quilana iti BFP-Sta. Cruz, ti napanawan a naglutwan iti dalikan ti mapapati a nagtaudan ti uram ta nalipatan dagiti bumalay a sibugan idi napanda iti talon ket kinayamkamna ti intero a pagtaengan.
Nagpaot iti sangapulo ket maysa a minutos ti panangdepdep dagiti bumbero iti apoy.
Umabot iti P3,750 ti inisyal a gatad dagiti nadadael a sanikua ken awan ti nadunor iti napasamak.
-- ADVERTISEMENT --
