VIGAN CITY – Nasurok kumurang sangagasut a ribo a pisos ti nadadael a sanikua gapu ti pannakauram ti pagtaengan ni Marcela Gaco, agtawen iti uppat a pulo ket siam, aglaklako iti ikan, ken agnaed iti Barangay Paratong Norte, Sta. Catalina.
Alas sais iti rabii, November 6, pimmanaw ni Gaco iti pagtaenganda a napan nagbuya iti basketball tournament iti Municipal Auditorium iti Barangay Poblacion.
Ti met anakna a ni Vincent Gaco, agtawen iti sangapulo ket tallo, grade 7 student ket nangsindi iti kandela nga imparabawna iti drawer-da gapu ti pannakaputed ti koriente idin ta nalipatanna nga iniddep.
Alas syete iti rabii, intawag ni Jonalyn Rabut iti BFP Sta. Catalina a maur-uram ti pagtaengan ti kaarubana.
Nupay kasta, nadepdep ti apuy iti oras ti alas otso iti rabii.
