VIGAN CITY – Nakurang a tallopulo a ribo a pisos ti gatad ti nadadael a sanikua iti pannakauram ti pagtaengan ni Federico Agora, agtawen iti tallopulo ket dua, mannalon a taga-Busel Busel, Santiago.
Iti pannaki-uman ti Bombo Radyo ken Municipal Fire Prevention Officer Senior Fire Officer II Rengie Veras, awanen ti nabatin idi nadanunda ti maur-uram a pagtaengan a naaramid laeng iti light materials ti balay a nauram.
Nangngeg dagiti agassawa nga adda agik-ikkis ket idi agawidda ket nakitada a ti gayam pagtaenganda ket maur-uram.
Mapapati a ti naglutwanda a kayo ti nagtaudan ti uram ngem kinuna met ti asawa ni Federico a nalpas isunan a nagluto isu nga agtultuloy ti pannakaimbestigar ti nasao a pasamak.
Nupay kasta, awan ti nadangran iti napasamak ken nadepdep ti uram iti alas nuebe kwarenta idi rabii.
