VIGAN CITY – Mapapati a natakawan iti Villa Bateria Beach House a kukua ni Atty. Allan Acosta Quebral idiay Brgy. Bateria, San Esteban.
Segun ti San Esteban Municipal Police Station, nagturong iti police station ni Atty. Quebral ket impakaammona a tinakawan isuda iti saan pay a nabigbig a suspek isu a nagresponde dagiti otoridad.
Iti pakpaka-una nga imbestigasyon, kinuna ti ina ti abogado a ni Alma Quebral, nakariing isuna iti alas singko y media iti bigat idi kalman idi napansinna a mapukpukaw ti cellphone-na isu nga impakaamona ti anakna.
Kinita ni Atty. Quebral iti posible a nagnaan dagiti suspek idin napansinda dagiti tugaw a nagulo ken nakalukat iti tawada a posible a dimmalanan a simrek ken rimmuar dagiti suspek.
Dagiti mapukpukaw ket maysa a Laptop nga addatag iti P80,000, maysa nga Oppo A16k cellphone nga aggatad iti P7,000, IPhone 7+ nga aggatad iti P10,000, Samsung A7 nga aggatad iti P5,000 ken kuarta a P5,000.
Gapu iti pasamak ket agtultuloy iti imbestigasyon dagiti kameng ti San Esteban Police Station inaig iti nasao a mapapati a panagtakawan.
