VIGAN CITY – Nauram ti pagtaengan a kukua ni Janette Mendoza Pipo, agtawen iti uppat a pulo ket lima, agnaed iti Zone 1, Bantay, Ilocos Sur.
Segun ken ni Mark Vincent Basconcillo Pipo, Barangay Tanod, kabayatan ti panagduty da ket immasideg kadakuada ni Mich Lea Mendoza Pipo ket nagpatulong gapu iti pannakauram ti pagtaenganda.
Iti pannaki-uman ti Bombo Radyo Vigan ken ni Senior Fire Officer 2 Romel Amano, agus-usarda iti kandela ta naputdanda iti koriente ket adda pay dagiti matmaturog nga ubbing iti dayta a gundaway idinto a ti maysa pay nga ubing ket isu ti napan nagpaarayat.
Nadepdep met ti apuy iti alas dyes bainte iti malem idinto a nasurok kumurang PHP200K ti mapatta-patta a gatad dagiti nauram a sanikua.
Nupay kasta, awan met ti natay, nadangran wenno nairaman a karrubada a pagtaengan iti napasamak nga uram.
VIDEO OF SFO2 ROMEL AMANO
