Agtultuloy iti imbestigasyon iti napasamak a panagtakawan iti Binalayangan Elementary School idiay Barangay Binalayangan, Sto. Domingo, Ilocos Sur.
Iti pannaki-uman ti Bombo Radyo Vigan ken ni PLt. Roger Retreta a Chief of Police iti Sto. Domingo Municipal Police Station, nagreport kadakuada ti school head iti nasao a pagadalan a ni Bernard Viernes Tabaldo, agtawen iti limapulo ket innem, naasawaan nga agnaed idiay Barangay Padu Chico, Sto. Domingo inaig iti panagtakawan ti nasao a pagadalan.
Segun ken ni Retreta, impakaammo ni Tabaldo a nakigtotda laengen kaduana dagiti dadduma nga staff iti pagadalan idi nakalukat ti arwangan iti likod ti Home Economics building ket idi napanda kinita, isun ti pannakaduktalda a mapukpukawen ti 40-inches flat-screen smart TV nga aggatad ti P15,000, ti acer laptop nga aggatad ti P17,000 ken kuarta nga aggatad ti P500.
Kinuna ni Retreta a posible a napasamak laeng idi rabii iti January 1 iti panagtakawan gapu kadagiti tugot ti tsinelas a nakitada ta mapapati a naisayangkat bayat nga agtudtudo ken adda pay upos ti sigarilyo a nakitada nga isu ti indalanda iti DNA exam.
Patienda a saan a maymaysa laeng a tao iti nagaramid ta posible a dua wenno tallo iti nagtakaw.
Nupay kasta ket addan ti person of interest dagiti otoridad nu siasino dagiti nagaramid iti nasao a panagtakawan.
VIDEO – PLT. ROGER RETRETA
Kiddaw ni Retreta iti publiko a makitinnulongda kadakuada nangruna nu adda dagiti agilaklako iti online ket iyumanda tapno masolbar ti nasao a kaso
VIDEO – PLT. ROGER RETRETA
