VIGAN CITY – Php176,000 iti pukaw ti biktima a maysa a nurse, nga agtawen iti tallopulo ket lima, ken residente ti Brgy. San Jose, Candon City gapu iti online scam.
Nangrugi ti scam idi nakaawat iti mensahe ti Viber manipud iti account a mangibagbaga nga isu ket Ebay marketing manager, a mangidiadiaya kadagiti work-from-home opportunities.
Immuna a nabilin ti biktima a mangkumpleto kadagiti simple tasks kas iti panag-like, ken panag-comment kadagiti post tapno makaawat iti commission a Php90 pesos babaen ti Gcash Account na.
Kalpasanna dayta, nabilin ti biktima a mang-open ti Telegram Apps ken naipapaamo ti Finance Receptionist a ni Rachelle Melecio, a nangibilin kenkuana a mangpili iti naited a Task nga A-C tapno agbalin a miembro ti “M2”.
Pinilina ti Tasked C, a no ideposito na ti gatad a Php 4,900.00 ket makaala iti 20% nga interes.
Kalpasan a nakaideposito iti Php 4,900, nabilin ti biktima nga agaramid iti cryptocurrency account ken mangideposito iti ad-adu pay a kuarta.
Kalpasanna, nakaala iti bassit a gatad, a rason a namati a lehitimo ti scheme.
Nupay kasta, idi pinadasna ti ag-withdraw iti Php50,000 manipud iti maipagarup a naurnongna nga investment nga agdagup iti Php173, 680.00 ket unsuccessful gapu ta saanna a nasurot ti instructions a rason ti pannaka-freeze ti investment account na.
Tapno mai-unfreeze ti account-na, masapul nga agbayad iti Php 68,000.
Nagbayad ti biktima iti Php 35,000.00 ken sabali pay a Php 15,000.00 babaen ti BDO online banking ken kalpasanna Php 18,000.00 babaen ti Metro Bank to Gcash iti nagan a Glient Carlo Belasario.
Idi nabayadanna ti nadakamat a gatad, inkagumaanna nga i-withdraw amin a naurnongna a kuarta nga agdagup iti Php 309,600, ngem napaay met laeng a mangi-withdraw gapu iti isu met laeng a rason.
Gapu ta nakadlawen ti biktima a kasla adda iti saan nga usto, nagbayad laeng ti biktima iti kanayonan a Php 50,000 babaen ti CIMB bank iti account name a Ma Cherees Guinita Lampa ngem saanna latta naala ti initial investment na ta masapul a bayadanna ti balanse tapno mai-unfreeze ti account-na.
