VIGAN CITY – Maysa a newly-identified drug personality ti nakemmeg iti buy bust operation idiay Barangay Curtin, Sinait.
Ti suspek ket agtawen iti limapulo ket tallo, agnaed iti Barangay Curtin.
Naala kenkuana ti nasurok kumurang tallo a gramo ti shabu nga aggatad iti PHP20,400 a naipalaon iti innem a piraso ti heat-sealed transparent plastic a buy bust item.
Dagiti met non-drug evidence ket pakairamanan ti saggaysa a PHP1000 a boodle ken genuine money; maysa a piraso ti small glass tube nga adda shabu residue na; cellphone; wallet a naglaon iti ID, sangaribo a pisos ken lima gasut a pisos; lighter; ken kurong-kurong.
Iti pannaki-uman ti Bombo Radyo Vigan ken ni PLT. Elmer Asistin, maysa ti suspek kadagiti napigsa nga agilaklako ken mayur-uray met ti resulta ti drug test na no daytoy ket posible nga agus-usar.
Malaksid dayta, nabayag a sinipsiputan met dagiti pannakabagi ti linteg ti suspek iti iligal nga aramidna.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
