VIGAN CITY – Maysa a negosyante iti napukawan iti motorsiklo iti Cee John Motor Parts Stall idiay Barangay Aggay, Bantay, Ilocos Sur.
Segun ti Bantay Municipal Police Station, ti biktima ket ni John Linel Torres, agtawen iti duapulo ket innem, naasawaan, tubo iti Malamsit, Peñarrubia, Abra ken agdama nga agnanaed idiay Barangay Sagneb, San Ildefonso idinto a saan a nabigbig ti suspek.
Nagturong ti biktima iti Bantay Police Station ket impakaammona iti pannakapukaw iti motorsiklona a Honda Click 125i nga agmaris iti puraw ken nangisit, addan ti plate number a 998AXV.
Kinuna ti biktima nga imparkingna iti motorisklona iti uneg iti stall iti alas otso idi October 8, 2023 ken nasaraan iti roll up door ken back door iti nasao nga stall sakbayna a pinanawan.
Ngem idi naglukatdan iti stall idi October 9 iti alas otso iti bigat ket naduktalanna a mapukpukaw iti motorsiklona pakairamanan ti maysa a half face evo helmet a color white ken gille helmet a color black ken orange.
Nagresponde dagiti kameng ti Bantay Municipal Police Station inaig iti nasao a banag ket mapapati a maysa a wire iti inaramat ti suspek tapno lukatan ti likod nga arwangan iti nasao nga stall.
Adda pay met iti marka iti nagdalanan ti pilid iti motorsiklo iti bakante a lote iti bagatan a paset iti stall nga addaan iti dardarat ken batbato.
