VIGAN CITY – Nakemmeg ni Perry Dula Dominguez alyas Miko, agtawen iti dua pulo ket innem, maysa a street level individual, addaan ti live-in partner, negosyante manipod Sitio Tam-Awan, Barangay Aluling, Cervantes.
Iti pannaki-uman ti Bombo Radyo Vigan ken ni PMaj Christopher Ramat a hepe iti Cervantes Municipal Police Station, nabayag a binambantayanda ti suspek agingga nakumpirmaran iti ilegal nga aramidna isu a naisayangkat iti operasyon.
Segun ken ni Ramat, dagiti kontrabando nga ilaklako ti suspek ket mapapati nga agtataud iti kabangibang a probinsia.
Naala manipod ti suspek iti walo a small heat-sealed transparent plastic sachet a naglaon iti 0.7 a gramo iti shabu nga aggatad iti P4,700; maysa a piraso iti sangaribo a pisos a nagserbi a buy bust money; dua a piraso iti sangaribo a pisos; lima a piraso iti limagasut a pisos; dua a piraso iti P20; ken maysa a live ammunition para iti caliber 22 magnum; ken maysa a unit iti cellphone.
Kinuna ni Ramat a saan laeng a Republic Act 9165 iti sangwen ti suspek nu diketdi sumango pay iti Republic Act 10591 gapu iti naala a live ammunition manipod kenkuana.
VIDEO AUDIO OF PMAJ. CHRISTOPHER RAMAT
