VIGAN CITY – Maysa a bangkay ti negosyante iti nakita iti pagtaengan idiay Brgy. Namatican, Sta. Lucia.
Segun ti Sta. Lucia Municipal Police Station, nabigbig ti natay a ni Florendo Vilog Haboc, agtawen ti limapulo ket uppat, naasawaan nga agnaed idiay Kapalaran Vill, North Signal, Taguig City ngem tubo idiay Brgy. Cabaritan, Sta. Lucia.
Nakaawat ti report dagiti pannakabagi ti linteg inaig iti pannakakita iti maysa a bangkay idiay Brgy. Namatican Sta. Lucia isu a nagrespondeda ket nadanonanda nga adda iti pagiddaan ti uneg ti pagtaengan ti kabsatna.
Maibasar ti insiyal nga imbestigasyon, nagturong iti kuarto ni Perlita Haboc Habon tapno riingen ni Florendo a kabsatna idi nadlawna a saanen nga aggar-garaw isu a nagpaarayat iti asawana a ni Dominador Haban Habon ket naamwanda nga awanen ti senyales a sibibiag pay ta nalamiisen ti bagina.
Naipan pay laeng iti Ilocos Sur District Hospital-Sta. Lucia ti biktima ngem indeklarar a dead on arrival.
Iti agdama, agtultuloy iti imbestigasyon dagiti pannakabagi ti linteg.
