VIGAN CITY – Maysa ti nadundunor iti panagdinungpar ti motorsiklo ken kotse iti National Highway Barangay Manueva, Santa.
Nabigbig ti nagmaneho ti Yamaha Mio a ni Mark Jordan Viste Prades, agtawen iti tallopulo ket dua, businessman, ken residente iti Brgy. Buquig, Bantay, idinto ti nagmaneho ti Ford Sedan ket ni Elmer Guerrero Aquino, agtawen iti innem a pulo ket innem, ken residente iti Fontanilla St., Brgy. 1, Laoag City, Ilocos Norte.
Agdaldalyasat ti amianan a direksiyon iti nakamotorsiklo, ket idi nadanonna iti lugar, immagaw iti linya ti kotse a naggapu ti bangir a linya a gappuanan iti panagdinnungparda.
Gapu dayta, nagsagaba ti driver ti motorsiklo iti fracture iti makikannigid a sakana isu a naipan iti Metro Vigan Hospital, Bantay para iti pannakataming na idinto ti driver ti kotse ken iti kaduana ket saan a naan-ano.
