VIGAN CITY – Agpada a dead on arrival iti naglugan iti bisikleta ken nagmaneho iti motorsiklo gapu iti aksidente iti national highway idiay Brgy. Gabur Sur, Sta. Cruz.
Segun ti Sta. Cruz Municipal Police Station, dua a motorsiklo ken maysa a bisikleta iti karaman iti aksidente ket nabigbig ti nagmaneho iti Honda Click motocycle a ni Philip John Pelegrino Dato, agtawen iti tallopulo ket maysa; ti backride na a ni Rufina Villanueva Escritor, agtawen iti limapulo ket uppat nga OFW; nagmaneho met iti Yamana MIO 125 motorcycle ni Mary Anne Escritor Fuentes, agtawen iti tallopulo ket takko, naasawaan nga adda iti backride na a ni Ivy Reyes Escritor, agtawen iti duapulo ket dua, balasang nga agpapada nga agnaed idiay Brgy. Al-aludig, Santiago; idinto a ti nagbisikleta ket nabigbig kas alyas Doming nga agnaed idiay Brgy. Pattiqui, Sta. Cruz.
Maibasar iti inisyal nga imbestigasyon, agkakadua dagiti naglugan iti motorsiklo nga agturongda iti bagatan a direksyon idi mapapati a nagballasiw iti nakabisikleta iti highway manipod daya a direksyon nga agturong iti laud nga awan iti aniaman a silawna a gappuanan iti pannakadungpar ni Dato kenkuana.
Gapu ti dayta, nagsagaba iti nakaru a dunor ti driver nakabisikleta ken ni Dato nga agpada a dead on arrival iti Ilocos Sur District Hospital-Tagudin idinto a nadunor ti backride ni Dato ken ni Fuentes nagmaneho iti maysa met laeng a motorsiklo ta naawanan iti kontrol iti manibelana.
Nupay kasta, saan pay nga ammo nu mano ti gatad iti nadadael a paset dagiti lugan.
