VIGAN CITY – Dead on Arrival ni Lady Vine Allagones Bajet, agtawen ti duapulo ket siam, lesbian, construction worker nga agnaed idiay Brgy. Succoc, Narvacan, Ilocos Sur gapu ti mapapati a panagbekkelna iti uneg ti pagtaenganda.
Iti pannaki-uman ti Bombo Radyo Vigan ken ni Karina Allagones a kasinsin ti biktima, nagturong isuna iti pagtaengan ni Bajet tapno lukatan ti silawda ta binilin isuna ti amana idin nakaserra iti main door ti pagtaengan ti biktima isu a nagna iti likod ngem idi nakastreken ket nakitanan a nakabitin ti biktima babaen ti inaramatna a tali.
Segun ken ni Bajet, nakasaritana pay laeng ti biktima a nakainom sakbay ti pasamak ket naibagana a kayatnan a leppasen ti biagna ngem binalakadanna a saanna nga araramiden ta adda ti solusyon ti amin a parikot.
Maibasar iti pakpakauna nga imbestigasyon manipod Narvacan Municipal Police Station, mapapati nga adda ti saan a nagkinnaawatan ti biktima ken live in partner-na a ni Mylen Dameg a taga-Magsaysay, Santa a pimmanaw kalpasan ti panagririda.
Bayat ti panagmaymaysa ti biktima iti pagtaenganda ket insayangkatnan ti panagbekkelna iti salasda.
Nupay kasta, naipan pay laeng ti biktima iti Ilocos Sur District Hospital Narvacan ngem naipakaammo a natay babaen ti attending physicianna a ni Dr. Melinda Marcos.
