VIGAN CITY – PHP362.25 ti pakabuklan a gatad ti tinakaw manipud idiay SAVEMORE Candon a pagub-ubraanna ni Mark Deo Sanchez, Marasingan, agtawen iti tallopulo ket maysa, merchandizer ken agnaed iti Barangay Catayagan, Sta. Lucia.
Dagiti tinakawna ket pakairamanan ti innem a piraso ti Ariel powder, maysa a Gatsby Body spray, innem a piraso ti Kopiko brown coffee a naikabil iti sako ken nasiglutan iti straw rope.
Sakbay ti pasamak, iti oras alas nuebe y media iti rabii, manarimaan ti panangkita ni Alvin Klein Olañio Diaz, agtawen iti duapulo ket lima, duty security iti SAVEMORE ken agnaed iti Poblacion Norte, Santiago kadagiti banag nga iruar dagiti empleyado idin ta naduktalan ti bundled a sako nga iruar ti suspek.
Dagus nga impakaammoda ti pasamak iti main office da ken naireport met iti Candon City Police Station.
Nupay kasta, maisagsaganan ti kaso a qualified theft kontra iti suspek.
