VIGAN CITY – Maysa a menor de edad a babai ti nagbekkel idiay Brgy. Patong, Magsingal, Ilocos Sur.
Maibasar ti pakaammo manipod Magsingal Municipal Police Station, agtawen ti sangapulo ket innem ti biktima, grade 11 student nga agnaed iti nasao a lugar.
Iti inisyal nga imbestigasyon, nagunget ti ina ti biktima kenkuana gapu iti nakarun a panagaramat iti cellphone a gappuanan ti ipapanawna iti pagtaenganda.
Nupay kasta, nasarakan laengen ti ading ti biktima a nakabitin ti kabsatna babaen ti tali iti uneg iti kuartona isu nga inayabanna ti ina ken kasinsinna a nagtinnulong a nangikkat ti pinagbekkel ti biktima.
Naipan ngarud ti biktima iti Magsingal District Hospital ngem naideklarar a dead on arrival babaen ti attending physician-na a ni Dra. Rowena Dumag.
