VIGAN CITY – Maysa a mannalon ti mapapati a nagpakamatay babaen ti panangpaltogna ti bagina iti ili ti Sta. Maria.
Nabigbig ti natay a ni Ronald Flores Villaruz, agtawen ti uppat a pulo ket uppat, baro nga agnaed idiay Zone II, Brgy. Gusing, Sta. Maria, Ilocos Sur.
Maibasar ti inisyal nga imbestigasyon ti Sta. Maria Police Station, iti oras ti alas otso singkwenta iti bigat itattay mapan koma pick-upen dagiti naapit a pagay ti kaanakan ti biktima a ni Mark Jay Dacquel Villaruz idin nakitana ti ulitegna a dara-daran iti uneg iti kubo a nakaiggem iti saan pay a nabigbig a calibre iti paltog a mapapati a nagpakamatay.
Naamuan iti naisayangkat nga imbestigasyon nga itattay alas dos y media iti parbangon ket adda ti nangngeg ni Sylvia Manzano a putok ti paltog ti nasurok kumurang maysa a kilometro manipod iti pagtaenganna.
