VIGAN CITY – Dead on Arrival ti maysa a mannalon gapu iti panangbagkong ti maysa a lalaki idiay Brgy. Bucalag, Santa idi rabii iti June 25, 2021.
Iti pannaki-uman iti Bombo Radyo Vigan ken ni PLt. Joseph Fieldad nga OIC iti Santa Municipal Police Station, ti biktima ket nabigbig a ni Roy Bringas Tolentino, agtawen ti tallopulo ket pito a baro idinto a ti suspek ket ni Richard Antolin Martinez, agtawen ti uppat a pulo ket lima, baro, helper nga agpada nga agnaed iti nasao a lugar.
Segun ken ni Fieldad, adda iti naawatda a tawag manipod iti maysa a concerned citizen inaig iti pammagkong isu a nagrespondeda.
Maibasar iti imbestigasyon, naaddaan iti nabara a panagsinnungbat dagiti dua a gappuanan iti panangbagkong ti suspek ti biktima a nagsagabaanna iti dunor iti tiyanna ket naipan iti Metro Cooperative Hospital ngem naipakammo a pimmusay idinto a ti suspek ket naipan iti Ilocos Sur Provicial Hospital – Gabriela Silang ta nagsagaba iti dunor iti ima ken akin-kannigid a tiyanna.
Kabayatanna, naala iti nakapasamakan ti pammagkong iti maysa a 17-inches sharp bolo knife ken 9-inches kitchen knife.
