Maysa a mannalon iti ili ti Sinait, mapukpukaw

VIGAN CITY – Mapukpukaw ni Diosdado Icari, agtawen iti limapulo ket siam, mannalon, a taga-Barangay Rang-ay, Sinait.

Inreport ni Dionalyne Icari, agtawen iti duapulo iti Sinait Police Station a ti amana ket mapukpukaw.

Agkapkapeda ti inana a ni Editha Icari iti alas singko iti agsapa ti December 23 idin ta ti pimmanaw ti amana a nakalugan iti motorsiklona a mapan idiay Barangay Masadag iti nasao nga ili tapno ipastor dagiti dingwenna, ken napan iti Barangay Cabangtalan tapno agispray kadagiti kayo ti mangga ngem agingga ita ket saan pay a nakaawid iti pagtaenganda.

Nakasuot ti amana iti nalabaga a T-shirt, faded pink a longsleeve, nakasapatos, 5’5 ti katayagna, kalalaingan ti bagi ken kulayna kasta payen a bassit ti buokna.