VIGAN CITY – Mapukpukaw ni Querubin Tiqui Tabigne, agtawen iti duapulo ket walo, mangngalap, taga-Barangay Puro, Magsingal, Ilocos Sur.
Nagreport kadagiti pannakabagi ti linteg ni Revelyn Ambaliza Tiqui, agtawen iti duapulo ket lima nga agnaed met laeng iti nasao a lugar tapno ipakaammo a mapukpukaw ti asawana.
Nadakamatna nga iti alas onse iti rabii ti June 25, napan nagkalap iti kabaybayan ti asawana.
Alas dose iti aldaw iti isu met laeng a petsa, binagaan ni Michael Tiqui ti kasinsinna nga agawiden ta agtudon ken napigsa ti angin ngem saan a dinengngeg ti kasinsinna no di ket napan iti taaw ken saan pay a nakaawid agingga ita.
Ti missing person ket naudi a nakita a naka-long sleeve, orange tube mask, ken white and black nga stripe shorts. 5’7 ti katayagna, kalalaingan ti pammagina, brown ti kudilna, ken black ti buokna
