VIGAN CITY – Nakemmeg ti maysa a mangisursuro gapu ti kaso na nga estafa idiay Brgy. Barbarit, Magsingal.
Segun ti Magsingal Municipal Police Station, ti nakemmeg ket ni Randy Rabina Nolasco, agtawen ti uppat a pulo ket pito, kameng ti LGBTQ nga agnaed idiay Barangay Guimod, San Juan.
Ti panagtitinnulong dagiti pannakabagi ti linteg ket nakemmeg ti akusado gapu ti kasona nga Estafa in relation to RA 10175 wenno Cybercrime Prevention Act 2012 babaen ti bileg ti warrant of arrest nga inruar ti acting Presiding Judge iti MCTC Magsingal-San Juan a napetsaan idi February 28, 2023 ket narekomendaran iti pyansa nga aggatad ti P18,000 para iti temporaryo a pannakawaya-wayada.
Kabayatanna, ti akusado ket naipan ti Magsingal District Hospital para iti medical examination.
