VIGAN CITY – Patien ni Dr. Ricky Bosque, Master Teacher II iti ISNHS-Senior High School a ti rason nu apay a napadayawan kas maysa manipod 10 Outstanding Teaching Personnel-Regional Level ket gapu ta adu nga aktibidad a nakaikappenganna.
Iti pannaki-uman ti Bombo Radyo Vigan ken ni Bosque, kalaksidan ti kinamakumikomna iti panagisuro ket naaddaan iti sabali pay nga aktibidad ken adu iti dimmalananna a proseso sakbay iti pannakagun-odna iti pamamdayaw.
Naaddaan pay isuna iti interview kadagiti Director manipod Commission on Higher Education, Civil Service Commission, TESDA ken DepEd Assistance Regional.
Idi laeng Lunes a naamuan iti resulta para kadagiti Outstanding teachers iti Deped a nakairamananna isu a napalaus iti ragsakna.
Nagyaman ngarud ti maestro gapu iti pannakapilina ket yamanenna dagiti tattao a nangtulong kenkuana kangrunaan ti nanginominar kenkuana ta saanna a maubra a bukod na iti pannakaalana iti pammadayaw.
