Saan a lapped para ken ni Christopher Singson ti panagbalinna a bulag tapno makadonar iti dara para iti Dugong Bombo Blood Letting Activity ita nga aldaw ti Bombo Radyo.
Iti pannaki-uman ti Bombo Radyo Vigan ken ni Singson, pakaragsakanna ti agidonar tapno makatulong kadagiti agkasapulan.
Innayonna a no la ket maiwaragawag iti radyo nga adda ti kastoy nga aktibidad ti Bombo ket sagsaganaannan.
Malaksid dayta, kunana a saan a pagkurangan iti bagi ti panagidonar iti dara ta masukatan met laeng ken lumag-an pay ti rikna.
Kabayatanna, uray met ken ni TESDA Regional Director Joel Pilotin ket sinaganaanna ti daytoy a blood letting activity ta kayatna ti agsubad iti dara a naipaay iti kabsatna a dumaldalan iti dialysis.
Palagipna iti amin a saan a nasken nga ipaidam ti dara tapno adu pay dagiti matulongan a masaksakit.
