VIGAN CITY – Mapukpukaw ni Jay-R Villa Rigunay, agtawen ti tallopulo ket pito, naasawaan nga agnaed idiay Barangay Raois, Vigan City.
Segun ti Vigan City Police Station, adda ti saan a nagkinnawatan da Jay-R ken ti asawana a ni Garramie Manzano Rigunay idi August 12 isu a naturog iti ruar ti pagtaenganda ni Jay-R ngem iti alas singko iti bigat ti August 13, idi mapanna kitaenen ti asawana ket saanan a masarakan ket agingga ita ket saanna pay a nakita.
Ti mapukpukaw ket 5’3 agingga 5’4 iti katayagna, kalalaingan ti bagbagina, fair complexion, nagsuot iti jersey shirt ken short, naka-gray jacket ken nakakallugong iti kulay nangisit.
Nakiddaw kadagiti nakakita nga ipakaammo laeng iti Vigan City Police Station wenno contact-n ti numero 09178607316 wenno 09985985062.
