VIGAN CITY – Dead on arrival ti maysa a lalaki ta natamaan idi aksidente a pimmutok ti paltogna idiay Sitio Tagaytay, Brgy. Lingsat, Bantay.
Ti biktima ket nabigbig a ni Agapito Viernes Pula, agtawen ti uppat a pulo ket walo, naasawaan, electrician nga agnaed iti nasao a lugar.
Iti pannakipapatang ti Bombo Radyo Vigan ken ni Jay-ar Reyes Pula a putot ti biktima, naka-inom a nagawid ti amana ket nangunget kadakuada isu a nagsinnungbatda ngem tapno awanen ti riri ket inkeddengna a napan iti uneg ti kuartona idin nakangeg iti putok ti paltog isu nga insigida a rimmuar ket nakigtot laengen a nakatugawen ti amana iti asideg ti ruangan iti pagtaenganda.
Apaman a nakitana nga adda iti tama ti amana ket nagpaarayat kadagiti kabagyanna ket insigida nga inluganna iti kurong-kurong tapno ipan iti ospital ket natalek a maisalbar ti amana ta naisimpana pay laeng ti bagina ken nakasarsaritana pay laeng bayat ti biaheda ngem idi nakadanondan iti Naguiddayan, Bantay ket naawanen iti puot.
Segun ken ni Jay-ar, idi nakadanondan iti ospital ket indeklararen ti doctor iti pannakatay ti amana.
Mapapati nga impatit ti biktima ti paltog iti ruangan isu a pimmutok a gappuanan ti pannakapaltogna.
VOICE OF JAY-AR PULA
