VIGAN CITY – Pimmusay gapu ti pannakabagkongna ni Roland Del Monte Habon, agtawen iti tallopulo ket uppat, car aircon technician, agnaed iti Barangay Cabaritan, Sta. Lucia
Ti suspek ket ni Pablo Lagbo Dasig, agtawen iti limapulo ket innem, baro, mannalon nga agnaed met laeng iti nasao a lugar ngem tubo idiay Barangay Malino, Samar, Catbalugan.
Nagresponde dagiti otoridad apaman a nakaawatda ti report inaig iti pammagkong iti lugar ket idi nakadanonda, boluntaryo a simmuko ti suspek kadagiti otoridad pakairamanan ti kutsilyo nga inaramatna a 10.7 inches iti kaatiddogna karamanen ti apputanna.
Nakainom ti biktima idin ta rimsua ti saanda anagkinnaawatan iti suspek.
Napan ti biktima iti pagtaengan ti suspek ket impurwakna iti gallon ti danum iti suspek bayat a mamaturog a gappuanan ti panangalan ti kutsilyo ti suspek nga imbagkongna iti biktima.
Nagsagaba iti dunor iti akin-kannigid a paset ti tiyan ti biktima isu a naipan iti Ilocos Sur District Hospital – Sta. Lucia para iti pannakatamingna idinto a ti suspek ket maisagsaganan ti kaso a maipila kontra kenkuana.
