Dead on arrival ti maysa a lalaki iti panagdinnungpar ti motorsiklo ken van iti national highway ti Barangay Bayugao Este, Sta. Cruz, Ilocos Sur.
Nabigbig ti natay a drayber ti Honda XRM motorcycle a ni Jeffrey Peralta Javillo, agtawen iti duapulo ket uppat, taga-Barangay Conconig West, Sta. Lucia.
Ti met nagmaneho iti KIA Pregio a van ket ni Mark Keivin Andaya Dumo, agtawen iti duapulo ket lima, taga-Barangay Pallogan, Tagudin.
Agpapa-abagatan ti van idin ta inovertakeanna ti sarsarunwenna a lugan ngem idi agsubli iti linyana ket saan a nakontrol ti drayber ti motorsiklo ti napaspas a panagpatarayna isu a nagdinnungpar dagiti dua a lugan.
Naggapu ti motorsiklo iti northbound outer lane a sumrek iti main road idin saanna a nakontrol ti manibela ti luganna gapu ti saan a patas ken ti elevated asphalt ti national highway.
Gapu dayta, nagsagaba iti fatal head injury ken natukkol dagiti nadumaduma a paset ti bagina.
Naitaray iti ospital dagiti dua a drayber ngem saanen a nakalasat ti drayber ti motorsiklo.
Natakuatan a ti drayber ti motorsiklo ket nakainom idi mapasamak ti aksidente.
