VIGAN CITY – Natay ni Agustin Pajarillo, agtawen iti limapulo ket uppat, maysa a negosyante a taga Brgy Mira, Bantay gapu ti pannakapaltogna idiay Barangay Bayubay Sur, San Vicente.
Naggapu iti galyeraan iti ili ti Sta. Catalina ti biktima a nakalugan iti motorsiklona ken daldalyasatenna ti agpadaya a direksyon idin ta adda dua a lalaki a saan pay nabigbig a nakalugan ti nangisit nga NMAX motorcycle ket pinaltuganda ti biktima babaen ti caliber 45 sada naglibas.
Segun ken ni PMajor. Marcelo Martinez manipud iti San Vicente Municipal Police Station, dua a tama iti bukot ken dua a tama iti sango ti sinagrap ti biktima.
Natakuatan a ti biktima ket isu ti mangfinfinance kadagiti aglaklako iti buko ngem maysa a kitktiaenda nu adda pay kainaiganna iti personal a biag ti napasamak nga insidente.
Naipan iti Metro Vigan Hospital ti biktima ngem naideklarar a dead on arrival.
Saan metten a kinayat ti pamilya ti biktima a maidalan iti autopsy ti bangkayna.
