VIGAN CITY – Nasarakan nga awan biagna ni Eduardo Serna De Guzman, agtawen iti limapulo ket siam, mangngalap a taga-Barangay Villa Hermosa, Sta. Cruz, Ilocos Sur.
Nakaawat ti Sta. Cruz Police Station iti tawag a mangipakpakaammo nga adda lalaki nga awan biagna a nasarakan iti nasao a barangay.
Tinurong dagiti pannakabagi ti linteg ti lugar ket nakitada ni De Guzman nga awan puotna a nakaidda iti daga, iti sirok ti indayonna a ti tengngedna ket naipatay iti sanga ti thorn tree.
Naipan iti Ilocos Sur District Hospital, San Juan, Sta. Lucia ngem naideklarar a dead on arrival.
Iti medical assesstment ni De Guzman, adda hematoma iti left trunk ti bagina ken lemma iti akin-kannigid nga abagana.
Saanen nga ipa-autopsy ti pamiliana ta patienda a natural cause ti pannakatayna.
