VIGAN CITY – Nasarakan a natay ti maysa a lalaki iti uneg iti pagnanaedanna idiay Brgy. San Lucas, Magsingal.
Iti pannaki-uman ti Bombo Radyo Vigan ken ni PCapt. Rodel Ragasa iti Magsingal Municipal Police Station, nabigbig ti natay a ni Feliciano Fronda, addan ti husto a tawen, laborer, tubo idiay Cagayan ngem agnanaed idiay Brgy. San Lucas, Magsingal.
Segun ken ni Ragasa, pinasingkedan ni Crispin Soliven a karruba ti biktima a saanna pulos a nakita a rimmuar ni Fronda idi January 13, 2023 isu a napanda kinita iti pagnanaedanda ket nakitada a nakapakleb ti biktima ken saanen nga aggar-garaw.
Naamoan dagiti otoridad nga agmen-maintenance ti biktima para iti hypertension-na ken na-mild stroke iti napalabas a tallo a tawen kas pinasingkedan iti kaanakanna a ni Alona Flores ken manugangna a ni Editha Agdamag.
Mapapati nga idi Huebes (January 12, 2023) pay laeng a natay ni Fronda ta agruprupsan.
Kabayatanna, agmaymaysan ti biktima ta awanan ti putot ti dati nga asawana.
VC – PCAPT. RODEL RAGASA
Nagpalagip met ni Ragasa kadagiti agmen-maintenance kangrunaan kadagiti nataenganen a mapan latta agpakita tii doktor tapno mapagtalinaed a nasalun-at iti bagi ken saanen a mapasamak iti kas iti nasarakanda a natay.
VC – PCAPT. RODEL RAGASA
