VIGAN CITY – Nasarakan a natay ni Randy Hailar Habab, agtawen iti tallopulo ket tallo, a taga-Barangay Pila East, Sta. Lucia, Ilocos Sur.
Segun ti Sta. Lucia Municipal Police Station, nakaawatda iti tawag iti nasao a lugar inaig iti pannakaduktal ti pannakatay ni Habab ket pinasingkedan ni Marilyn Gapate Hailar, agtawen iti limapulo ket lima, naasawaan, housekeeper, agnaed iti nasao a lugar, ikit ti biktima, napansinna a mamaturog pay laeng ti biktima isu a simmirip iti tawa ket nakitana a nakapakleb ti biktima.
Gapu dayta, inayabanna ni Orlando Gapate Habon tapno ipasango ti bagi ti biktima ket naamoanda a saanen nga agang-anges pay.
Nagpaarayatda kadagiti kameng ti Municipal Disaster Risk Reduction and Management Office – Sta Lucia a gappuanan ti pannakaipan ti biktima iti Ilocos Sur District Hospital-Sta. Lucia ngem naideklarar a dead on arrival babaen ti attending physician-na.
