--Ads--
VIGAN CITY – Nasarakan a natay ti maysa a lalaki idiay Sitio Pantar, Barangay Balidbid, Salcedo, Ilocos Sur.
Ti biktima ket ni Elmer Romero Cagungao, agtawen iti uppat a pulo ket lima, mannalon, agnaed iti nasao a lugar.
Segun ken ni Joseph Salvador Dian ken ni Roger Gominton Manipol nga agnaed met laeng iti nasao a lugar, bayat ti panangtarimaanda iti alad iti talonda, nadlawda ti nakapakleb a tao isu nga inasikganda ket naamoanda ti pakabigbiganna.
Tinawaganda ni kasinsin ti biktima a ni Melchor Paetan Cagungao iti pugonna, limapulo ti kaadayona manipud iti lugar ket dagus nga intarayda iti ospital ti biktima ngem naideklarar a dead on arrival.
-- ADVERTISEMENT --
