VIGAN CITY – Maysa a lalaki iti nakemmeg idinto a tallo iti nakalibas gapu iti panagsusugalda idiay Brgy. Gabao, Santiago, Ilocos Sur.
Nabigbig ti nakemmeg ket ni Elbert Aganon Pagalanan, agtawen iti uppat a pulo ket maysa, tricycle driver nga agnaed idiay Brgy. San Jose, Vigan City ken masapsapul da Raymund Diego Escalona, addaan asawa, barber nga agnaed idiay Brgy. Gabao, Santiago ken dagiti dua a saan a nabigbig a suspek.
Insayangkat dagiti pannakabagi ti linteg ti Anti-Illegal Gambling operation iti nasao a lugar a gappuanan ti pannakakemmeg ni Pagalanan a naaktuan a nakiay-ayam iti Pusoy kadagiti tallo a nakalibas.
Naala kadakuada iti maysa a set iti baraha, pusta nga aggatad iti P2,631, maysa a mono block a lamisaan ken uppat a mono block a tugaw.
Naipan iti Candon General Hospital Candon ti suspek para ti medical examination ngem insigida a naiyakar iti Candon City Police Station pakairamanan ti naala kenkuana para ti documentation ken proper disposition.
