Maysa a lalaki, nakemmeg iti buy bust operation

VIGAN CITY – Nakemmeg ni Edison Flores, agtawen iti duapulo ket lima, agnaed iti Barangay 9, Vigan City, aglaklako iti buko juice babaen ti naiwayat a buy bust operation idiay Barangay Barraca, Vigan City.

Naala kenkuana ti maysa a bassit a papel a naglaon iti dua a heat-sealed transparent plastic sachet ti mapapati a shabu ken sangaribo a pisos a marked money.

Naipan ti suspek iti Vigan City Police Station para ti pannakaidalanna iti husto a proseso kasta payen ti kurong-kurong nga us-usarenna nga aglako.

Sangwenna ti kaso a panaglabsing iti RA 9165 wenno Comprehensive Dangerous Drugs Act of 2002.