VIGAN CITY – Maob-obserbaran iti balay pagagasan ti maysa a lalaki a biktima iti pammagkong idiay Barangay Subec, Sta. Catalina, Ilocos Sur.
Nabigbig ti biktima a ni Loreto Regua Rabanes, agtawen iti tallopulo ket walo, warehouseman, taga-Barangay Subec, Sta. Catalina. Ti met suspek ket ni Florence Cairel Requilman, agtawen iti uppat a pulo ket dua, mannalon, taga-Barangay Subec, Sta. Catalina.
Maibasar ti imbestigasyon, adda saan a nagkinnaawatan ti suspek ken biktima iti pagtaengan ti witness kaduada ni Herminigildo Regua idin ta bigla a binagkong ti suspek ti biktima a nakatamaan ti ulona.
Naitaray ti biktima iti Rural Health Unit Sta. Catalina, Ilocos Sur ken nayakar iti Ilocos Sur Provincial Hospital Gabriela Silang para iti naan-anay a pannakatamingna. Nakemmeg met ti suspek babaen ti Sta. Catalina Police Station ken saanen a narekobre ti patadem a naaramat.
