VIGAN CITY – Nadunor ti maysa a a lalaki ta binagkong ti kasinsinna idiay Barangay Pug-os, Sinait.
Nabigbig ti biktima a ni Joel Ancheta Ibatuan, ag-tawen ti uppat a pulo ket innem, naasawaan, tricycle driver idinto ti suspek a kasinsinna ket ni Jemo Gascon Ancheta, ag-tawen ti tallo pulo ket innem, baro, ken agpada nga agnanaed ti nasao a lugar.
Iti pannakipatpatang ti Bombo Radyo Vigan ken ni Pol. Chief Master Seargent Danny Maligsay iti Sinait Municipal Police Station, naginom ti biktima ken suspek iti pagtaengan ni Barangay Kagawad Jhun Lazo idin adda ti saanda a nagkinna-awatan isu nagawid ti suspek ngem sinurot isuna ti biktima a nakaiggem iti bolo.
Idi sumrek ti biktima iti pagtaengan ti suspek ket isu metten ti panangbagkong kenkuana ti suspek gappuanan ti pannakadunor ti akin-kannawan a sikigna isu a naipan idiay Corpuz Clinic ken Hospital-Sinait para iti pannakatamingna ngem naiyakar iti Gabriela Silang.
Boluntaryo nga simmuko iti suspek nga adda itan iti kustodia ti pannakabgi ti linteg pakairamaman ti naaramat a kutsilyo nga adda kaatiddogna a walo a pulgada pakairamanan ti apputanna.
Kabayatanna, kaso a frustrated homicide iti sangwen ti suspek ngem posible a bumaba pay iti physical injury.
