Maysa a lalaki, na-buy bust iti ili ti Sta. Catalina

VIGAN CITY – Panaglabsing iti Republic Act 9165 wenno Comprehensive Dangerous Drugs Act of 2002 ti sangwen ni Leonard Raganit, agtawen iti uppat a pulo, taga-Barangay Pangada, Sta. Catalina kalpasan ti pannakakemmegna iti buy bust operation iti nasao a lugar.

Naaktuan ti suspek nga agilaklako iti maysa a small heat-sealed transparent plastic sachet ti shabu iti maysa a poseur buyer.

Naala pay iti ikotna ti maysa a one thousand peso bill ken dua a heat sealed transparent plastic sacher ti shabu.

Dagiti naala a shabu ket aggatad iti innem a ribo a pisos.

Nupay kasta, addan iti kustodia ti Sta. Catalina Police Station ti suspek tapno dumalan iti husto a proseso.