VIGAN CITY – Naiwayat ti search warrant operation iti pagtaengan ni Drexel Tuscano, agtawen iti uppat a pulo ket uppat a taga-Brgy Raois, Vigan City gapu iti kasona a panaglabsing iti Republic Act 10591 wenno Comprehensive Firearms and Ammunition Act.
Naala iti uneg ti pagtaengan ti suspek ti sangapulo a piraso iti live ammunitions ti 9mm, tallo a piraso iti live ammunitions ti caliber 38, sag-dua a piraso iti live ammunitions ti caliber 45 ken cal 5.56, saggaysa a piraso ti live ammunition iti caliber 22 ken caliber 357.
Tallo a piraso iti empty shell ti caliber 9mm, maysa nga empty shell ti caliber 5.57 ken maysa a piraso ti slug ti saan a nabigbig a kalibre ti paltog.
Addan iti Vigan City Police Station ti suspek ken dagiti naala a kontrabando tapno maidalan iti husto a proseso.
