VIGAN CITY – Nakemmeg ti maysa a lalaki a Top 9 iti provincial level ken Top 1 City Level idiay Sitio Turod, Brgy. Tablac, Candon City.
Segun ti Candon Police Station, ti akusado ket ni Leomar del Rosario, agtawen iti tallopulo ket dua, awaan trabaho nga agnaed idiay Brgy. Cabaritan, Sta. Lucia ken nailista a Drug Surrenderee iti Candon City.
Babaen ti panagtitinnulong dagiti pannakabagi ti linteg ket nakemmeg ti akusado iti panaglabsing iti Special Protection of Children Against child Abuse, Exploitation and Discrimination Act. weno Anti-Child Abuse Law ken 5,B iti RA 7610 iti dua a bilang nga adda dua a CC number-na.
Ti pannakakemmeg ti akusado ket babaen ti bileg ti warrant of arrest nga inruar ni Presiding Judge iti FC Br. 8, Candon City a napetsaan idi August 8, 2022 nga adda iti nairekomendar a pyansana nga aggatad iti P400,000 iti tunggal bilang.
Naipan ti akusado iti Candon City Hospital para iti pannakatamingna ngem naiyakar met laeng ti Candon Police Station para iti proper disposition.
