VIGAN CITY – Natay ni Arnold Cabredo, agtawen iti limapulo ket maysa a taga-Pudoc West, Tagudin gapu ti panangbagkong ni Feliciano Acosta, agtawen iti pitopulo ket uppat, mannalon a katuganganna.
Iti pannaki-uman ti Bombo Radyo Vigan ken ni PCapt. Jose Bandong II, adda saan a nagkinnaawatan ti biktima ken suspek a nagtaudan ti riri ken panangmartilyo ti biktima iti ulo ti suspek.
Gapu ti dayta, inagaw ti suspek ti getteng ti biktima ket napuntirya met ti barukong ti biktima a puon ti nakatayanna idinto a ti suspek ket naipaagas iti ospital para ti naan-anay a pannakatamingna.
Datin nga adda pagrirrianda dagiti agkatugangan a kimmaru laeng idi napasamak ti insidente ta agpadada pay a nakainom iti arak.
Naala iti nakapasamakan ti pammagsol ti 10 inches a getteng ken agtultuloy ti imbestigasyon dagiti otoridad.
