--Ads--
VIGAN CITY – Natay gapu ti panagbekkelna ni Marlon Irorita Sayo, agtawen iti tallopulo ket maysa, karpentero, agnaed iti Barangay Binalayangan, Sto. Domingo.
Maysa a concerned citizen ti timmawag iti Sto. Domingo Police Station a mangipakpakaammo nga adda nagbekkel iti nasao a lugar ket dagus met a nagresponde dagiti pannakabagi ti linteg ken dagiti kameng ti Bureau of Fire-Sto Domingo.
Segun ken ni Concepcion Tacata, katugangan ti biktima, napan isuna iti balay ti biktima tapno riingenna koma idin ta nasarakanna a nakabitin babaen iti cable wire a naiputipot iti tengngedna.
Pinasingkedan met ti asawa ti biktima a ni Florence Sayo a maikadua a gundaway a ginandat ti biktima ti agpakamatay gapu ti depresyon.
-- ADVERTISEMENT --