VIGAN CITY – Dead on Arrival ni Kevin Montero Vitorio, agtawen ti duapulo ket lima, baro, mannalon nga agnaed idiay Brgy. Pacang, Sta. Maria gapu iti pannakakuryentena iti Turod Adventure Park iti nasao a lugar.
Segun ti Sta. Maria Municipal Police Station, iti oras iti alas onse y media iti bigat immatendar iti reunion ti biktima kaduana ti elementary batch-na iti nasao a lugar ket naginomda, nadanon iti alas kuatro y media iti malem ket napanda iti nababa a paset iti nasao a lugar kangrunaan iti gate wenno entrance iti park tapno ag-picture.
Kalpasan ti dayta ket nagsubli iti cottage ti biktima ket insigida a napan iti igid iti pool nga innalana iti mic ngem kellaat a natinnag iti pool.
Iti panagsublin ti batchmate-na iti cottage ket nakitada laengen ti biktima nga awan ti puotna a nakaiggem pay laeng iti mic.
Naipan ti biktma iti Sto. Niño Hospital, Brgy. Baliw Laud, Sta. Maria para iti pannakatamingna ngem naideklarar a natay babaen ti attending physician-na.
