--Ads--
VIGAN CITY – Mapukpukaw ni Joey Javillo Sumbad, agtawen ti tallopulo, baro, awanan ti trabaho nga agnaed idiay Brgy. Poblacion Weste, Sta. Cruz, Ilocos Sur.
Maibasar ti pakaammo manipod Sta. Cruz Police Station, impakaammo ni Jose Bang-asan Sumbad a mapukpukaw ti putotna manipod pay laeng idi January 12, 2022.
Naudin a nakita ni Joey iti pagtaenganda da Jupiter Abalo idiay Brgy. Las-ud, Sta, Cruz a nakasuot ti polo shirt ken nangisit wenno puraw a short pant.
Nupay kasta, agtultuloy latta ti panangsapulda ken ni Joey ngem agingga ita ket saanda pay a nasarakan.
-- ADVERTISEMENT --
