Maysa a lalaki iti ili ti San Juan, pinaltugan dagiti nakamotorsiklo a suspek

VIGAN CITY – Dead on arrival ni Elmer Amin, agtawen iti tallopulo ket siam a taga-Brgy. Refaro, San Juan ta pinaltugan dagiti saan pay a nabigbig a nagkalubbon iti motorsiklo a suspek idiay Brgy. Resurrecion.

Segun ken ni P/Maj. Christopher Ramat, tallo ti sinagrap a tama ti bala ti biktima a puon ti nakatayanna ket iti pakpakauna nga imbestigasyonda, adda nakaut-utangan ti biktima iti nasurok kumurang sangagasut a ribo a pisos.

Agmanmaneho ti biktima iti motorsiklona a naggapu iti highway a mapan iti laud a direksyon idin ta pinaltugan dagiti suspek ti a nagsagabaanna iti dunor ti ulo a puon ti nakatayanna.

Nupay kasta, agtultuloy ti imbestigasyon dagiti pannakabagi ti linteg no ania ti motibo ti krimen ken no siasino dagiti suspek.