VIGAN CITY – Kaso nga estafa iti nakakemmegan ti maysa a lalaki idiay Brgy. Rosario, Cervantes, Ilocos Sur.
Segun ti Cervantes Municipal Police Station, nakemmeg ni Edgar Digan Mariano, agtawen iti uppat a pulo ket tallo, naasawaan nga agnaed idiay Brgy. Comillas North, Cervantes babaen ti bileg ti warrant of arrest nga inruar ti Presiding Judicial Region, San Fabian-San Jacinto Pangasinan a napetsaan idi August 3, 2022.
Ti akusado ket nairekomendaran iti pyansa nga aggatad iti P18,000 para iti temporaryo a pannakawaya-wayana.
Kabayatanna, naipan ti akusado iti Ilocos Sur District Hospital-Bessang Pass para iti medical examination ngem naipan met laeng nga insigida iti cervantes Police Station para iti proper documentation sakbay iti pannakaiturn-overna iti korte a nagtaudanna.
