VIGAN CITY – Nabagsol iti maysa a lalaki nga agtawen ti uppat a pulo ket maysa idiay Brgy. Comillas North, CervanteS.
Nabigbig ti biktima a ni Bernard Anyaka, naasawaan ken agnaed ti nasao a barangay ken iti suspek a ni Jayson Ponhagban agtawen ti tallo pulo ket tallo.
Segun ti Cervantes Municipal Police Station, nakaawat da iti impormasyon manipod Ilocos Sur Distrcit Hopistal Bessang Pass inaig iti lalaki a nabagsol iso a napanda a dagus ti ospital ket nakitada ti biktima nga adda iti dunorna ta nabagsol.
Innayon ti PNP, addaan iti saan a panagkinnaawatan ti biktima ken ti suspek agingga nga innala ti suspek ti kutsilyona iti motorsiklona a pinangbagkongna.
Naglibas ni Ponhagban kalpasan ti pammagsol ngem nakemmeg babaen iti naisayangkat a hot pursuit operation idinto a narekobreda ti kutsilyo nga innem a pulgada ti kaatiddog na agraman iti apputanna.
