VIGAN CITY – Maysa a lalaki ti nabagkong ta pinangorna ti suspek iti bote ti arak idiay Brgy. Magsaysay, Sinait.
Nabigbig ti biktima a ni Jeffrey Guzman agtawen tallo pulo ket innem ken ti suspek a ni Ronnie Guzman agtawen tallo pulo ket walo agpada nga agnaed ti nasao a barangay.
Iti pannaki-uman Ti Bombo Radyo Vigan kenni PMaj. Franco Catalan, hepe ti Sinait Municipal Police Station, kabayatan iti pangpatrolya dagiti otoridad ket nakaawatda ti report inaig iti napasamak a pammagkong iti nasao a barangay a naipan idiay Corpuz Clinic and Hospital para iti pannakatamingda.
Rimmuar iti imbestigasyon, napannaganawa ni Ronnie ta adda iti agriri agingga nga iso iti nagpupudotan ni Jeffrey a nangala ti bote ket pinangorna ti mugingna ken napannagala ti kutsilyo iso a naggubalda.
Naagaw ni Ronnie ti kutsilyo ket nabagkongna ni Jeffrey a nagsagaba iti dunor iti paset ti barukongna ken nadunor ti ima ti suspek ken ulona.
Saan a narekobre dagiti otoridad iti naaramat a patedem ngem iti agdama iggemen ti kapulisan ti suspek para iti pannakaipila ti kaso kontra kenkuana.
